மருந்தாளுனர் தேர்வு இலவச பயிற்சி

மதுரை: தமிழ்நாடு அரசு மருத்துவ தேர்வு வாரியம் அறிவித்துள்ள 425 மருந்தாளுனர் பணியிடங்களுக்கு தேர்வு நடக்க உள்ளது. இத்தேர்வுக்கு இலவச பயிற்சி மாவட்ட வேலைவாய்ப்பு அலுவலகத்தில் மார்ச் 26 ல் துவங்கி நடந்து வருகிறது.இப்பயிற்சி வகுப்புகள் திங்கள் முதல் சனி வரை இரவு 7:00 முதல் 9:00 மணி வரை நடைபெறும். இதில் பங்கேற்க விரும்புவோர், மாவட்ட வேலைவாய்ப்பு அலுவலகத்திற்கு நேரிலோ, மின்னஞ்சல் gmail மூலம் தொடர்பு கொண்டு தங்கள் பெயரை பதிவு செய்யலாம்.தேர்வுக்கு ஏதுவாக புத்தகங்கள் பராமரிக்கப்பட்டு வருகிறது. மேலும் டெட் 1, 2 மற்றும் டி.ஆர்.பி., தேர்வுகளுக்கான புத்தகங்களும் உள்ளன. பயனாளிகள் இவ்வாய்ப்பை பயன்படுத்திக் கொள்ளலாம்.