சிறுதானிய உணவு தயாரிப்பு இலவச பயிற்சி

மதுரை : பரவை இந்திய தொழில் முனைவோர் மேம்பாட்டு நிறுவனம், அசஞ்ஜர் நிறுவனம், தங்கப்பல் அழகர்சாமி லட்சுமி அம்மாள் சமூக நல மையம் சார்பில் இலவச சிறுதானிய சத்துமாவு, கார உணவு மற்றும் பாரம்பரிய உணவு தயாரிப்பு பயிற்சி அளிக்கப்படுகிறது.மேலும் மசாலா பொருட்கள் தயாரித்தல், காய்கறி, பழங்கள் பதப்படுத்துதல் குறித்து செய்முறை விளக்கம் அளிக்கப்படும். தொழில் துவங்குவதற்கான உணவு பாதுகாப்புத் துறையின் சான்றிதழ், மாவட்ட தொழில் மையத்தின் குடிசைத்தொழில் சான்றிதழ் இலவசமாக பெற்று தரப்படும்.வங்கி மூலம் மானியக்கடனுக்கு வழிகாட்டப்படும். குறைந்தது 8ம் வகுப்பு தேர்ச்சி பெற்றவர்கள் விண்ணப்பிக்கலாம். காலை 10:00 முதல் முதல் மதியம் 2:00 மணி வரை 26 நாட்களுக்கு நடக்கும் பயிற்சியில் பெண்களுக்கு மட்டும் அனுமதி. உபகரணங்கள் இலவசமாக வழங்கப்படும். அலைபேசி: 98946 90092.