வேக மேம்பாடு காரணமாக ரயில்களின் நேரம் மாற்றம்

வேக மேம்பாடு காரணமாக குறிப்பிட்ட ரயில்கள் திண்டுக்கல், மதுரை உள்ளிட்ட ஸ்டேஷன்களுக்கு வந்து செல்லும் கால அட்டவணையில் மாற்றம் செய்யப்படுவதாக தெற்கு ரயில்வே அறிவித்துள்ளது.அதன்படி, சென்னை சென்ட்ரல் - போடி ரயில் (20601) அதிகாலை 5:47க்கு திண்டுக்கல், காலை 6:40க்கு மதுரை, 7:28க்கு உசிலம்பட்டி, 7:48க்கு ஆண்டிப்பட்டி, 8:03க்கு தேனி வந்து செல்லும். போடிக்கு 15 நிமிடங்கள் முன்பாக காலை 8:55 மணிக்கு செல்லும்.மைசூரு - துாத்துக்குடி ரயில் (16236) காலை 6:03க்கு திண்டுக்கல், 7:25க்கு மதுரை, 8:18க்கு விருதுநகர், 8:38க்கு சாத்துார், 8:58க்கு கோவில்பட்டி, 9:18க்கு வாஞ்சி மணியாச்சி வந்து செல்லும். துாத்துக்குடிக்கு 20 நிமிடங்கள் முன்பாக காலை 10:15 மணிக்கு செல்லும்.சென்னை சென்ட்ரல் - பாலக்காடு ரயில் (22651) அதிகாலை 5:30க்கு திண்டுக்கல், காலை 6:01க்கு ஒட்டன்சத்திரம், 6:25க்கு பழநி, 7:35க்கு பொள்ளாச்சி வந்து செல்லும். பாலக்காடு சந்திப்பிற்கு 15 நிமிடங்கள் முன்பாக காலை 9:15 மணிக்கு செல்லும்.பொள்ளாச்சி - கோவை பாசஞ்சர் (56110) பத்து நிமிடம் முன்னதாக காலை 7:50க்கு பொள்ளாச்சியில் இருந்து புறப்பட்டு8:13க்கு கிணத்துக்கடவு, 8:36க்கு போத்தனுார் வழியாக அரை மணி நேரம் முன்னதாக காலை 8:55க்கு கோவை செல்லும்.தாமதம்: பாலக்காடு டவுன் - கோவை மெமு ரயில் (66606) நிர்வாக காரணங்களால் 5 நிமிடம் தாமதமாக காலை 9:10 மணிக்கு கோவை செல்லும். மேற்கண்ட மாற்றம் ஜூலை 11 முதல் அமலுக்கு வருகிறது.