உதயநிதி பிறந்தநாள் விழா மூர்த்தி நலத்திட்ட உதவி

மதுரை: மதுரையில் துணைமுதல்வர் உதயநிதி பிறந்த நாள் விழா அமைச்சர் மூர்த்தி தலைமையில் 50க்கும் மேற்பட்ட இடங்களில் கொண்டாடப்பட்டது.மதுரை கிழக்கு தொகுதியில் கண்ணனேந்தல், திருப்பாலை, ஆனையூர், மஞ்சம்பட்டி, மாங்குளம், திண்டியூர், சக்குடி, வண்டியூர் உள்ளிட்ட பகுதிகளில் வீடுகளுக்கு சென்று நலத்திட்ட உதவிகள் வழங்கப்பட்டன. சூர்யா நகர் மீனாட்சி அம்மன் நகர் பகுதியில் நலத்திட்டங்களை வழங்கிய அமைச்சர் மூர்த்தி கூறியதாவது: மதுரை வடக்கு தி.மு.க., சார்பில் பல்வேறு இடங்களில் அன்னதானம் வழங்கப்பட்டது. தொடர்ந்து ஒன்றரை லட்சம் குடும்பங்களுக்கு ஒரு மாதம் வரை நலத்திட்ட உதவிகள் வழங்கும் பணிகளும் துவக்கி வைக்கப்பட்டுள்ளது. வீடுதோறும் நலத்திட்ட உதவிகள் வழங்க அந்தந்த பகுதி பொறுப்பாளர்கள் நியமிக்கப்பட்டுள்ளனர் என்றார். பகுதிச் செயலாளர்கள் மருதுபாண்டின், சசிக்குமார், மாநகராட்சி மண்டல தலைவர் வாசுகி, கவுன்சிலர்கள் பங்கேற்றனர்.