ரூ.7 லட்சத்திற்கு பருத்தி வர்த்தகம்

மல்லசமுத்திரம், ஆக. 24-திருச்செங்கோடு வேளாண்மை உற்பத்தியாளர்கள் கூட்டுறவு விற்பனை சங்க, மல்லசமுத்திரம் கிளையின், மாமுண்டி உபகிளையில், நேற்று பருத்தி ஏலம் நடந்தது. மொத்தம், 302 மூட்டை பருத்தியை விவசாயிகள் விற்பனைக்கு கொண்டு வந்தனர். சுரபி ரகம் குவிண்டால், 8,100 ரூபாய் முதல், 8,379 ரூபாய், பி.டி., ரகம், 6,690 ரூபாய் முதல், 7,699 ரூபாய் என, மொத்தம், 7 லட்சம் ரூபாய்க்கு பருத்தி ஏலம் நடந்தது. அடுத்த ஏலம் வரும், 30ல் நடக்கிறது. * இதேபோல், மல்லசமுத்திரம் கிளையில் நடந்த கொப்பரை தேங்காய் ஏலத்தில், மொத்தம், 45 மூட்டைகள் வரத்தாகின. முதல் தரம் கிலோ, 85.95 ரூபாய் முதல், 100.75 ரூபாய், இரண்டாம் தரம், 72.60 ரூபாய் முதல், 78.95 ரூபாய் என, மொத்தம், 1.75 லட்சம் ரூபாய்க்கு ஏலம் நடந்தது. அடுத்த ஏலம் வரும், 30ல் நடக்கிறது.