தொடர் மழையால் செங்கல் தயாரிப்பு பணி பாதிப்பு

எருமப்பட்டி, எருமப்பட்டி யூனியனில் உள்ள அலங்காநத்தம், போடிநாய்க்கன்பட்டி, முத்துக்காப்பட்டி உள்ளிட்ட பகுதிகளில், 40க்கும் மேற்பட்ட செங்கல் சூளைகள் உள்ளன. இந்த சூளைகளில் செங்கல் தயாரிக்கும் பணியில் வெளிமாவட்டத்தை சேர்ந்த, 300க்கும் மேற்பட்ட குடும்பத்தினர் தங்கி, இரவு, பகலாக பணியாற்றி வருகின்றனர். கடந்த, 2 மாதமாக அதிக வெயிலால், செங்கல் தயாரிக்கும் பணி விறுவிறுப்பாக நடந்தது வந்தது. கடந்த, சில நாட்களாக இப்பகுதியில் தொடர் மழை பெய்து வருவதால், செங்கல் தயாரிக்கும் பணி பாதிக்கப்பட்டு தொழிலாளர்கள் வேலை இழந்துள்ளனர்.இதுகுறித்து, செங்கல் தயாரிப்பு தொழிலாளி, 'எருமப்பட்டியில் சில நாட்களாக சாரல் மழை பெய்து வருவதால், செங்கல் தயாரிக்கும் பணி பாதிக்கப்பட்டு வேலையிழந்துள்ளோம்' என்றார்.