தேங்காய் விலை சரிவு: ரூ.72,000க்கு வர்த்தகம்

ப.வேலுார்: -தேசிய வேளாண் சந்தையில், நேற்று தேங்காய் விலை சரிவடைந்து விற்பனை செய்யப்பட்டது.ப.வேலுாரில், மின்னணு தேசிய வேளாண்மை சந்தை செயல்பட்டு வருகிறது. இங்கு, வாரந்தோறும் செவ்வாய்க்கிழமை தேங்காய் ஏலம் நடப்பது வழக்கம். தேசிய வேளாண்மை சந்தைக்கு ப.வேலுார், மோகனுார், பொத்தனுார், பாண்டமங்கலம், வெங்கரை, கபிலர்மலை ஆகிய பகுதிகளில் இருந்து விவசாயிகள் தேங்காய்களை விற்பனைக்கு கொண்டு வருகின்றனர். அதன்படி, நேற்று நடந்த ஏலத்திற்கு, 5,345 தேங்காய்களை விவசாயிகள் விற்பனைக்கு கொண்டு வந்தனர்.கடந்த வாரம் நடந்த ஏலத்தில் அதிகபட்சம் கிலோ, 47.60 ரூபாய், குறைந்தபட்சம், 31.29 ரூபாய், சராசரி, 37.29 ரூபாய் என, 88,000 ரூபாய்க்கு வர்த்தகம் நடந்தது.நேற்று நடந்த ஏலத்திற்கு அதிகபட்சம் கிலோ, 31.15 ரூபாய், குறைந்தபட்சம், 17.19 ரூபாய், சராசரி, 27.79 ரூபாய் என, 72,000 ரூபாய்க்கு வர்த்தகம் நடந்தது.