ரூ.3.50 லட்சத்திற்கு பருத்தி விற்பனை

மல்லசமுத்திரம்:திருச்செங்கோடு வேளாண்மை உற்பத்தியாளர்கள் கூட்டுறவு விற்பனை சங்கத்தின், மல்லசமுத்திரம் கிளையில் வாரந்தோறும் புதன்கிழமை பருத்தி ஏலம் நடக்கிறது. அதன்படி, நேற்று நடந்த ஏலத்தில் பீமரப்பட்டி, மேல்முகம், மங்களம், சூரியகவுண்டம்பாளையம், பள்ளிப்பட்டி, மானுவங்காட்டுபாளையம், துத்திபாளையம், பள்ளக்குழி அக்ரஹாரம், செண்பகமாதேவி, ராமாபுரம், பருத்திப்பள்ளி, கருங்கல்பட்டி, சோமணம்பட்டி உள்ளிட்ட சுற்றுவட்டார பகுதியை சேர்ந்த விவசாயிகள், 60 கிலோ எடைகொண்ட, 150 மூட்டை பருத்தியை விற்பனைக்கு கொண்டு வந்திருந்தனர். இதில், பி.டி., ரகம் குவிண்டால், 7,370 ரூபாய் முதல், 8,399 ரூபாய், கொட்டு பருத்தி, 3,710 ரூபாய் முதல், 5,509 ரூபாய் என, மொத்தம், 3.50 லட்சம் ரூபாய்க்கு விற்பனையானது. அடுத்த ஏலம் வரும், 30ல் நடக்கிறது.