ரூ.4.50 லட்சத்திற்குபருத்தி விற்பனை

மல்லசமுத்திரம்:திருச்செங்கோடு வேளாண்மை உற்பத்தியாளர்கள் கூட்டுறவு விற்பனை சங்கத்தின், மல்லசமுத்திரம் கிளையில் புதன்கிழமை தோறும் பருத்தி ஏலம் நடக்கிறது. அதன்படி, நேற்று நடந்த ஏலத்தில், மங்களம், மருக்கலாம்பட்டி, சின்னகாளிப்பட்டி, பள்ளக்குழி அக்ரஹாரம், மேல்முகம், பீமரப்பட்டி, ராமாபுரம், பருத்திப்பள்ளி உள்ளிட்ட பல்வேறு பகுதிகளை சேர்ந்த விவசாயிகள், 60 கிலோ எடைகொண்ட, மொத்தம், 220 மூட்டை பருத்தியை விற்பனைக்கு கொண்டு வந்திருந்தனர். இதில், பி.டி., ரகம் குவிண்டால், 7,219 ரூபாய் முதல், 8,299 ரூபாய், கொட்டு பருத்தி, 3,500 ரூபாய் முதல், 5,109 ரூபாய் என, மொத்தம், 4.50 லட்சம் ரூபாய்க்கு ஏலம் நடந்தது. அடுத்த ஏலம் வரும், 23ல் நடக்கிறது.