ரூ.23 லட்சத்துக்கு பருத்தி வர்த்தகம்

நாமக்கல், நாமக்கல் வேளாண் உற்பத்தியாளர்கள் கூட்டுறவு விற்பனை சங்கத்தில், 23 லட்சம் ரூபாய்க்கு பருத்தி விற்பனையானது. நாமக்கல்-திருசெங்கோடு சாலையில் செயல்படும் வேளாண் உற்பத்தியாளர்கள் கூட்டுறவு விற்பனை சங்கத்தில், நேற்று பருத்தி ஏலம் நடந்தது.ஏலத்திற்கு, நாமக்கல், திருச்சி, சேலம், கரூர் உள்ளிட்ட மாவட்டங்களை சேர்ந்த விவசாயிகள், 980 மூட்டை பருத்தியை விற்பனைக்கு கொண்டு வந்தனர். அதில், ஆர்.சி.எச்., ரகம், 100 கிலோ, 7,520 ரூபாய் முதல் 8,099 ரூபாய்; கொட்டு மட்ட ரகம், 4,099 ரூபாய் முதல், 4,466 ரூபாய், 23 லட்சம் ரூபாய்கு விற்பனையானது. இந்த ஏலத்தில் ஈரோடு, கோவை, திருப்பூர், சேலம் உள்ளிட்ட மாவட்டங்களை சேர்ந்த வியாபாரிகள் கலந்துகொண்டனர்.