ரூ.26 லட்சத்துக்கு பருத்தி வர்த்தகம்

ராசிபுரம்: ராசிபுரம் சுற்றுவட்டாரத்தில் அதிகளவு பருத்தி பயிரிடப்படுகிறது. இப்பகுதியில் விளையும் பருத்தியை, ஆர்.சி.எம்.எஸ்., என்ற ராசிபுரம் கூட்டுறவு விற்பனை சங்கத்தில் விற்பனை செய்யப்படுகிறது. அதன்படி, ராசிபுரம் அடுத்த கவுண்டம்பாளையம் ஆர்.சி.எம்.எஸ்., கிடங்கில், நேற்று பருத்தி ஏலம் நடந்தது. 1,173 பருத்தி மூட்டைகளை விற்பனைக்கு விவசாயிகள் கொண்டு வந்திருந்தனர். இதில், ஆர்.சி.எச்., ரகம் குறைந்தபட்சம், 7,099 ரூபாய், அதிகபட்சம், 7,819 ரூபாய்; டி.சி.எச்., அதிகபட்சம், 9,535 ரூபாய், கொட்டு ரகம் குறைந்தபட்சம், 3,800 ரூபாய், அதிகபட்சம், 5,289 ரூபாய் என, 1,173 மூட்டை பருத்தி, 26 லட்சம் ரூபாய்க்கு விற்பனையானது.