ரூ.3.53 லட்சத்திற்கு பருத்தி வர்த்தகம்

மல்லசமுத்திரம், திருச்செங்கோடு வேளாண்மை உற்பத்தியாளர்கள் கூட்டுறவு விற்பனை சங்கத்தின் மல்லசமுத்திரம் கிளையில், வாரந்தோறும் புதன்கிழமை பருத்தி ஏலம் நடக்கிறது. அதன்படி, நேற்று நடந்த ஏலத்தில் மங்களம், செண்பகமாதேவி, பள்ளக்குழி அக்ரஹாரம், மேல்முகம், கொளங்கொண்டை, பருத்திப்பள்ளி, ராமாபுரம் உள்ளிட்ட பகுதிகளை சேர்ந்த விவசாயிகள், 60 கிலோ எடைகொண்ட, 132 மூட்டை பருத்தியை விற்பனைக்கு கொண்டு வந்திருந்தனர். இதில், பி.டி., ரகம், 100 கிலோ மூட்டை, 6,269 ரூபாய் முதல், 7,840 ரூபாய், கொட்டு பருத்தி, 4,329 ரூபாய் முதல், 4,519 ரூபாய் என, மொத்தம், 3.53 லட்சம் ரூபாய்க்கு விற்பனையானது. அடுத்த ஏலம் வரும், 29ல் நடக்கிறது.