ரூ.7 லட்சத்திற்கு ஆடு விற்பனை
எருமப்பட்டி;எருமப்பட்டி யூனியன், பவித்திரத்தில் வாரந்தோறும் திங்கள் கிழமை ஆட்டுச்சந்தை நடக்கிறது. இந்த சந்தைக்கு முட்டாஞ்செட்டி, கஸ்துாரிப்பட்டி, கோம்பை உள்ளிட்ட பகுதிகளில் இருந்து ஏராளமான விவசாயிகள், தாங்கள் வளர்க்கும் ஆடுகளை விற்பனைக்கு கொண்டு வருகின்றனர். இதேபோல், தொட்டியம், துறையூர் உள்ளிட்ட பகுதிகளில் இருந்து வியாபாரிகள் ஆடுகள் வாங்க வந்திருந்தனர். நேற்று நடந்த ஆட்டுச்சந்தையில், ஏழு லட்சம் ரூபாய்க்கு ஆடுகள் விற்பனையாகின.