குண்டுமல்லி விலை கிடுகிடு கிலோ ரூ.800க்கு விற்பனை

குண்டுமல்லி விலை 'கிடுகிடு'கிலோ ரூ.800க்கு விற்பனைஎருமப்பட்டி, நவ. 7-எருமப்பட்டி யூனியனில் உள்ள அலங்காநத்தம், பொட்டிரெட்டிப்பட்டி, கஸ்துாரிப்பட்டி உள்ளிட்ட பகுதிகளில் விவசாயிகள் குண்டுமல்லி பூக்களை பயிரிட்டுள்ளனர்.இந்த பூக்கள் தினமும் ஏலத்திற்காக, நாமக்கல், ஈரோடு, கரூர் உள்ளிட்ட பகுதிகளுக்கு அனுப்பப்பட்டு வருகிறது. விசேஷ நாட்களில் நல்ல விலைக்கு விற்பனை செய்யப்படும் பூக்களுக்கு, சாதாரண நாட்களில் போதிய விலை கிடைப்பதில்லை.இந்நிலையில், இன்றும், நாளையும் முகூர்த்த தினம் மற்றும் கந்த சஷ்டி விழாவால், இப்பகுதியில் இருந்து பல்வேறு மாவட்டங்களுக்கு அதிகளவில் குண்டுமல்லி பூக்கள் அனுப்பி வைக்கப்பட்டன. நேற்று முன்தினம், குண்டுமல்லி பூ கிலோ, 400 ரூபாய்க்கு விற்ற நிலையில், நேற்று, 800 ரூபாய்க்கு விற்பனை செய்யப்பட்டது. ஒரே நாளில், 400 ரூபாய் வரை உயர்ந்ததால், பூ விவசாயிகள் மகிழ்ச்சியடைந்தனர்.