5 நாட்களுக்கு மிதமான மழை

நாமக்கல், நாமக்கல் கால்நடை மருத்துவ கல்லுாரி மற்றும் வானிலை ஆய்வு மையம் வெளியிட்டுள்ள செய்திக்குறிப்பு: நாமக்கல் மாவட்டத்தில், கடந்த, மூன்று நாட்களில் பகல் நேர அதிகபட்ச வெப்பம், 34 டிகிரி செல்ஷியஸ் ஆகவும், இரவு நேர வெப்பம், 26 டிகிரி செல்ஷியஸ் ஆகவும் நிலவியது. இன்று முதல் 24 வரை, ஐந்து நாட்களுக்கு அதிகபட்ச பகல் நேர வெப்ப நிலை, 30 முதல், 33 டிகிரி செல்ஷியஸ் வரை இருக்கும். இரவு நேர குறைந்த பட்ச வெப்பநிலை, 20 முதல் 22 டிகிரி செல்ஷியஸ் வரை இருக்கும். வானம் மேக மூட்டத்துடன் காணப்படும். காற்றின் ஈரப்பதம், 60 முதல், 90 சதவீதம் வரை இருக்கும். காற்றின் வேகம் மேற்கு, தென் மேற்கு திசையில் இருந்து மணிக்கு, 10 முதல், 14 கி.மீ., வேகத்தில் வீசக்கூடும். இன்று, 6 மி.மீ, நாளை, 7 மி.மீ., 22ல், 7 மி.மீ., 23ல், 4 மி.மீ., 24ல், 4 மி.மீ., வரை மழை பெய்ய வாய்ப்புள்ளது.இவ்வாறு அதில் குறிப்பிடப்பட்டுள்ளது.