ப.வேலுாரில் தார்ச்சாலைஅமைக்க பூமி பூஜை

ப.வேலுார்:-ப.வேலுார் டவுன் பஞ்சாயத்தில், 18 வார்டுகள் உள்ளன. இதில், 16, 17வது வார்டுகளில் தார்ச்சாலை அமைக்க, பொதுமக்கள் நீண்ட நாட்களாக கோரிக்கை விடுத்து வந்தனர். இந்நிலையில், நேற்று தமிழக நகர்ப்புற சாலை மேம்பாட்டு திட்டம் மூலம், ஒருகோடியே, 63 லட்சம் ரூபாய் மதிப்பீட்டில் தார்ச்சாலை புதுப்பிப்பதற்கான பூமிபூஜை நடந்தது. டவுன் பஞ்., துணைத்தலைவர் ராஜா மற்றும் வார்டு கவுன்சிலர்கள் சுகந்தி, ராணி தலைமை வகித்தனர். நாமக்கல் தி.மு.க.,மேற்கு மாவட்ட பொறுப்பாளர் மூர்த்தி முன்னிலை வகித்தார். மாவட்ட விளையாட்டு மேம்பாட்டு அணி துணை அமைப்பாளர் மகிழ் பிரபாகரன், இளைஞரணி துணை அமைப்பாளர் சுந்தர், ப.வேலுார் தி.மு.க., நகர துணை செயலாளர் செந்தில்குமார் மற்றும் பொதுமக்கள் ஆகியோர் கலந்து கொண்டனர்.