தி.மு.க., ஆர்ப்பாட்டம்

ஊட்டி: நீலகிரி மாவட்டத்தின் பல இடங்களில் தி.மு.க., சார்பில் ஆர்ப்பாட்டம் நடந்தது. ஊட்டி காபிஹவுஸ் சந்திப்பில், தி.மு.க., நகர செயலாளர் ஜார்ஜ் தலைமையில், மாவட்ட துணைச் செயலாளர் ரவிக்குமார் முன்னிலையில், உதயநிதி கைது செய்யப்பட்டத்தை கண்டித்து, கட்சியினர் மறியலில் ஈடுபட முயன்றனர். பெண்கள் உட்பட, 80 பேர் கைது செய்யப்பட்டனர். இதேபோல, குன்னுார், கோத்தகிரி, மஞ்சூர், கூடலுார் மற்றும் பந்தலுார் பகுதிகளில், கட்சி நிர்வாகிகள் தலைமையில் நடந்த மறியலில் ஈடுபட முயன்ற பெண்கள் உட்பட, 400 பேர் கைது செய்யப்பட்டனர். இந்த சம்பவத்தால் மாவட்டத்தின் எந்த பகுதியிலும் போக்குவரத்து மற்றும் பொது மக்களுக்கு எவ்வித பாதிப்பும் ஏற்படவில்லை.