தொழிற்சங்கத்தினர் கண்டன ஆர்ப்பாட்டம்

குன்னுார்: மத்திய அரசு தொழிலாளர் சட்ட திருத்தம் செய்து அமல்படுத்திய தினத்தையொட்டி, அருவங்காடு வெடி மருந்து தொழிற்சாலை வளாகத்தில் கண்டன ஆர்ப்பாட்டம் நடந்தது. மத்திய அரசு கடந்த ஆண்டு நவ., மாதம், பழைய தொழிலாளர் சட்டங்களுக்கு பதில், 4 புதிய தொழிலாளர் சட்ட தொகுப்புகளை அமல்படுத்தியது. இந்த சட்டத்திற்கு எதிராக தொழிற்சங்கத்தினர், 'நாடு தழுவிய கருப்பு தினம்,' என கூறி, நேற்று முன்தினம் கண்டன ஆர்ப்பாட்டம் நடத்தினர். இதன் ஒரு பகுதியாக, அருவங்காடு வெடிமருந்து தொழிற்சாலை வளாகத்தில் நடந்த கண்டன ஆர்ப்பாட்டத்தில், தொழிற்சங்க நிர்வாகிகள் திலீப் குமார், ஜோஷி லாசர், அசோகன், மூர்த்தி, ஏசுதாஸ், தேவசகாயம் உட்பட பலர் பேசினர். தொழிலாளர் நலன் காக்க கோஷம் எழுப்பப்பட்டது.