சனி பிரதோஷ   சிறப்பு வழிபாடு 

ராமநாதபுரம் : -ராமநாதபுரம் பகுதி சிவன் கோயில்களில் சனி பிரதோஷத்தை முன்னிட்டு சிறப்பு வழிபாடு நடந்தது. பக்தர்கள் சுவாமி தரிசனம் செய்தனர்.ராமநாதபுரத்தில் சனி பிரதோஷத்தை முன்னிட்டு குமரய்யா கோயில் தெருவில் உள்ள சிவஞானேஸ்வரர் கோயில், வெளிப்பட்டணம் சவுபாக்கிய நாயகி சமதே ஆதிரெத்தினேஸ்வரர் கோயில், ராமநாதபுரம் காசி விஸ்வநாதர் கோயில், ஆர்.எஸ்.மடை ராஜேஸ்வரர் கோயில் மற்றும் சிவன் கோயில்களில் நந்தி பெருமானுக்கு அபிேஷகங்கள் நடந்தது. அதனை தொடர்ந்து அலங்கரிக்கப்பட்டு தீபாராதனை நடந்தது. பின் கோயிலில் உள்ள மூலவருக்கு சிறப்பு அபிேஷகம், அலங்காரம் தீபாராதனை நடந்தது. இதில் எராளமான பக்தர்கள் தரிசனம் செய்தனர்.*திருவாடானை ஆதி ரெத்தினேஸ்வரர், திருவெற்றியூர் பாகம்பிரியாள் உடனுறை வல்மீகநாதர், தொண்டி சிதம்பரேஸ்வரர், தீர்த்தாண்டதானம் சகலதீர்த்தமுடையவர், நம்புதாளை நம்பு ஈஸ்வரர், திருத்தேர்வளை ஆண்டு கொண்டேஸ்வரர், வட்டாணம் காசி விஸ்வநாதர் கோயில்களில் நேற்று சனி பிரதோஷ வழிபாடு நடந்தது. சிவாச்சாரியார்கள் வேத மந்திரங்கள் முழங்க நடந்த தீபாராதனையில் ஏராளமான பக்தர்கள் தரிசனம் செய்தனர். மஞ்சள், சந்தனம், பால், பன்னீர், பஞ்சாமிர்தம் போன்ற பல்வேறு அபிேஷகங்கள் நடந்தன. அனைவருக்கும் பிரசாதம் வழங்கப்பட்டது.