தாலுகா அலுவலகத்தில் ஆபத்தான பழைய கட்டடத்தை அகற்றுங்க

பரமக்குடி: பரமக்குடி தாலுகா அலுவலகத்தில் பழைய கருவூல கட்டடம் இடியும்நிலையில் உள்ளது. அதனை அப்புறப்படுத்த வேண்டும் என மக்கள் வலியுறுத்தினர்.பரமக்குடி, இளையான்குடி ரோட்டில் தாலுகா அலுவலகம் செயல்படுகிறது. இங்கு 10 ஆண்டுகளுக்கு முன்பு புதிய அலுவலகம் கட்டப்பட்டது. ஓட்டு கட்டடத்தில் இயங்கிய கருவூலம், தாலுகா அலுவலக வளாகத்தில் புதிய கட்டடத்திற்கு மாற்றப்பட்டது.இவ்வளாகத்தில் பழைய கட்டடத்தை இடிக்காமல் அப்படியே வைத்துள்ளனர். இச்சூழலில் பெண்கள்சிறைச்சாலை, தாலுகா அலுவலக பணிகளுக்கு தினமும் ஏராளமான மக்கள் வந்து செல்கின்றனர். மேலும் அவ்வப்போது மழை, வெயிலின் போது பழைய அலுவலக கட்டடம் முன்பு மக்கள் ஒதுங்கும் போது விபத்து ஏற்பட வாய்ப்புள்ளது. எனவே பழைய கட்டடத்தை இடித்து அகற்ற நடவடிக்கை எடுக்க வேண்டும்.