பெருநாழி பஸ் ஸ்டாண்ட் அருகே ரோடு சேதம்
பெருநாழி : -பெருநாழி பஸ் ஸ்டாண்டில் இருந்து அருப்புக்கோட்டை செல்லும் அரை கி.மீ., தொலைவிலான சாலை குண்டும் குழியுமாக போக்குவரத்திற்கு லாயக்கற்ற நிலையில் உள்ளது. இதனால் பொதுமக்கள் சிரமப்படுகின்றனர்.கடந்த 2012ல் அமைக்கப்பட்ட தார் ரோடு 5 ஆண்டுகளில் சேதமடைந்ததால் அவ்வழியாக பஸ் ஸ்டாண்டிற்கு வரக்கூடிய வாகனங்கள் பஸ்கள் குண்டும் குழியுமான ரோட்டில் பயணம் செய்கின்றனர்.டூவீலர் ஓட்டிகள் அடிக்கடி அப்பகுதியில் விழுந்து காயமடைகின்றனர். எனவே கமுதி ஒன்றிய நிர்வாகத்தினர் புதிய தார் ரோடு அமைக்க நடவடிக்கை எடுக்க வேண்டும்.