இளைஞர்களுக்கு வீடியோ வடிவமைப்பு பயிற்சி 

ராமநாதபுரம் : தமிழ்நாடு ஆதிதிராவிடர் வீட்டுவசதி மற்றும் மேம்பாட்டுக்கழகம் (தாட்கோ) சார்பில் ஆதிதிராவிடர், பழங்குடியின இளைஞர்களுக்கு வீடியோ ஒளிப்பதிவு மற்றும் வடிவமைப்பு பயிற்சி வழங்கப் படவுள்ளது. பிளஸ் 2 தேர்ச்சி பெற்ற 18 முதல் 30 வயதுக்குட்பட்ட இளைஞர்கள் விண்ணப்பிக்கலாம். குடும்ப ஆண்டு வருமானம் ரூ.3 லட்சத்திற்குள் இருக்க வேண்டும். தேர்வு செய்யப்பட்ட இளைஞர்களுக்கு 3 மாதம் பயிற்சி வழங்கப்படும். இறுதியாக சான்றிதழ், வேலை வாய்ப்பிற்கான வழிகாட்டுதல் வழங்கப்படும். பயிற்சியின் போது தங்கும் விடுதி, உணவு தாட்கோ மூலம் வழங்கப்படும். விருப்பமுள்ள இளைஞர்கள் www.tahdco.comஎனும் இணையதளத்தில் விண்ணப்பிக்கலாம் என கலெக்டர் சிம்ரன்ஜீத் சிங் காலோன் தெரிவித்துள்ளார்.