மகளிர் உரிமை தொகை கிடைக்குமாபதில் தெரியாமல் பெண்கள் தவிப்பு

திருவாடானை: தமிழக அரசு சார்பில் பெண்களுக்கு மாதம் ஆயிரம் ரூபாய் உரிமை தொகை வழங்கப்படும் என அறிவிக்கப்பட்டது. தொண்டி அருகே பாசிபட்டினத்தை சேர்ந்த பெண்கள் விண்ணப்பித்து பல மாதங்கள் ஆகியும் உரிமைத் தொகை கிடைக்கவில்லை.கிராமத்தை சேர்ந்த பாசியம்மன், கலா, தங்கம்மாள் ஆகியோர் கூறியதாவது:மகளிர் உரிமைத் தொகைக்கு விண்ணப்பித்து பல மாதங்கள் ஆகியும் இன்னமும் கிடைக்கவில்லை. எங்களது விண்ணப்பம் ஏற்கபட்டதா, நிராகரிக்கபட்டதா என்ற விபரம் தெரியவில்லை. நேற்று தாலுகா அலுவலகத்திற்கு சென்று முறையிட்டோம்.அலுவலர்கள் தகவல் தெரிவிக்கிறோம் என்கின்றனர். பல நாட்களாக தாலுகா அலுவலகத்திற்கு அலைவதாக தெரிவித்தனர்.