பருத்தி விலை சரிவுவிவசாயிகள் அதிர்ச்சி

பருத்தி விலை சரிவுவிவசாயிகள் அதிர்ச்சிஇடைப்பாடி:கொங்கணாபுரத்தில் உள்ள கூட்டுறவு விற்பனை சங்க கிளையில், பருத்தி ஏலம் நேற்று நடந்தது. சுற்றுவட்டார விவசாயிகள், 2,500 மூட்டைகளை கொண்டு வந்தனர்.அதில், 100 கிலோ மூட்டை, பி.டி., ரகம், 6,950 முதல், 8,650 ரூபாய்; டி.சி.எச்., ரகம், 8,000 முதல், 10,750; கொட்டு ரகம், 3,700 முதல், 5,550 ரூபாய் வரை விலைபோனது.இதன்மூலம், 70 லட்சம் ரூபாய்க்கு விற்பனை நடந்தது. ஆனால் கடந்த வாரத்துடன் ஒப்பிடுகையில் மூட்டைக்கு, பி.டி., ரகம், 850 ரூபாய், டி.சி.எச்., ரகம், 1,550 ரூபாய், கொட்டு ரகம், 200 ரூபாய் விலை சரிந்தது. அனைத்து ரக பருத்தி விலையும் சரிந்ததால், விவசாயிகள் அதிர்ச்சி அடைந்தனர்.