இடைப்பாடியில் நாளை மின் நுகர்வோர் குறை தீர் கூட்டம்

இடைப்பாடி, இடைப்பாடியில், நாளை (ஜூன் 4) மின்வாரிய பயனாளர்களின் குறைதீர் கூட்டம் நடக்கிறது.இது குறித்து, இடைப்பாடி மின்வாரிய கோட்ட பொறியாளர் தமிழ்மணி வெளியிட்டு அறிக்கை:இடைப்பாடி கோட்ட மின் வாரியம் சார்பில், மின் நுகர்வோர்களுக்கான குறைதீர் கூட்டம் கோட்ட மின்வாரிய அலுவலக வளாகத்தில் நாளை பகல் 11:00 முதல் மதியம், 1:00 மணி வரை மேட்டூர் மேற்பார்வை பொறியாளர் தாரணி தலைமையில் நடைபெற உள்ளது. இக்கூட்டத்தில் இடைப்பாடி, ஜலகண்டாபுரம், சித்துார், பூலாம்பட்டி, கோனேரிப்பட்டி, செட்டிமாங்குறிச்சி உள்ளிட்ட பகுதிகளை சேர்ந்த இடைப்பாடி மின் கோட்டத்திற்கு உட்பட்ட மின் நுகர்வோர்கள், மின்சாரம் சம்மந்தமான குறைகளை தெரிவிக்கலாம்.இவ்வாறு தெரிவித்துள்ளார்.