மேட்டூர் அணை நீர்வரத்து உயர்வு
மேட்டூர் :மேட்டூர் அணையின் மொத்த நீர்மட்டம், 120 அடி. தமிழகம் - கர்நாடகா எல்லையிலுள்ள நீர்பிடிப்பு பகுதியில், இரு நாட்களாக கோடை மழை தீவிரம் அடைந்து காவிரியில் நீர்வரத்து அதிகரித்தது. அதற்கேற்ப கடந்த, 14ல், 390 கன அடியாக இருந்த மேட்டூர் அணை நீர்வரத்து நேற்று முன்தினம், 1,361 கனஅடி, நேற்று, 3,306 கனஅடியாக அதிகரித்தது. அணையில் இருந்து, 1,000 கனஅடி நீர் குடிநீருக்கு வெளியேற்றப்பட்டது. திறப்பை விட வரத்து கூடுதலாக இருந்ததால் நேற்று முன்தினம், 108.06 அடியாக இருந்த அணை நீர்மட்டம், நேற்று, 108.18 அடியாக உயர்ந்தது.