துணை முதல்வரை வரவேற்க தி.மு.க.,வினருக்கு எம்.பி., அழைப்பு

இடைப்பாடி, இன்று சங்ககிரி வரும் துணை முதல்வர் உதயநிதியை வரவேற்க, தி.மு.க.,வினருக்கு, சேலம் எம்.பி., அழைப்பு விடுத்துள்ளார்.இதுகுறித்து, தி.மு.க.,வின், சேலம் மேற்கு மாவட்ட செயலரான, எம்.பி., செல்வகணபதி அறிக்கை:துணை முதல்வர் உதயநிதி, செப்., 16ல்(இன்று), சேலம், கருப்பூர் அரசு பொறியியல் கல்லுாரி வளாகத்தில் நடக்கும் அரசு நிகழ்ச்சியில் பங்கேற்கிறார். அதற்கு முன்னதாக, சங்ககிரி, சின்னாகவுண்டனுார் பைபாஸில், காலை, 11:00 மணிக்கு வருகிறார். அவருக்கு சேலம் மேற்கு மாவட்டம் சார்பில், வரவேற்பு அளிக்க ஏற்பாடு செய்யப்பட்டுள்ளது. அதனால் தொகுதி பார்வையாளர்கள், மாவட்ட நிர்வாகிகள், தலைமை செயற்குழு, பொதுக்குழு உறுப்பினர்கள், முன்னாள், -இன்னாள் எம்.எல்.ஏ., - எம்.பி.,க்கள், ஒன்றிய, நகர, பேரூர் செயலர்கள், அனைத்து சார்பு அணி நிர்வாகிகள், பாக நிலை முகவர்கள், பூத் கமிட்டி உறுப்பினர்கள், பூத் டிஜிட்டல் ஏஜன்ட் உள்ளிட்ட கட்சியினர் அனைவரும் பங்கேற்க வேண்டும்.