விவசாய நிலத்தில் மலைப்பாம்பு பிடிப்பு
ஆத்துார், ஆத்துார், கீரிப்பட்டி, மேல்தொம்பையை சேர்ந்த, விவசாயி செந்தில்குமார், 45. இவரது நிலத்தில் மக்காச்சோளம் பயிரிட்டுள்ளார். அதில் விவசாய பணியில் நேற்று காலை ஈடுபட்டிருந்தார். அப்போது பாம்பு இருப்பதை பார்த்து அதிர்ச்சி அடைந்த அவர், 10:00 மணிக்கு ஆத்துார் தீயணைப்பு துறைக்கு தகவல் கொடுத்தார். அரை மணி நேரத்தில் அங்கு வந்த வீரர்கள், 6 அடி நீள மலைப்பாம்பை பிடித்து, ஆத்துார் வனத்துறையினரிடம் ஒப்படைத்தனர்.