கேபிள் ஒயரை வெட்டிய கும்பல்
ஓமலுார்: ஓமலுார், காமாண்டப்பட்டியை சேர்ந்த, கேபிள், 'டிவி' ஆப்பரேட்டர் வெங்கடேஷ், 47. இவர் நேற்று முன்தினம் ஓமலுார் போலீசில் அளித்த புகார் மனு:கேபிள் டிவி ஆப்பரேட்டராக உள்ளேன். முத்துநாயக்கன்பட்டி உள்பட பல்வேறு பகுதிகளில், 700 வீடுகளுக்கு செல்லக்கூடிய கேபிள் டிவி ஒயரை, மர்ம நபர்கள் வெட்டி சேதப்படுத்தியுள்ளனர். அவர்கள் மீது நடவடிக்கை எடுக்க வேண்டும். இவ்வாறு அதில் கூறப்பட்டுள்ளது.இதுகுறித்து போலீசார் விசாரிக்கின்றனர்.