பள்ளத்தில் டிராக்டர் கவிழ்ந்து உ.பி., டிரைவர் பலி

ஆத்துார், உத்தரபிரதேச மாநிலத்தை சேர்ந்தவர் பிஜேந்திர்சிங், 63. டிரைவரான இவர், பதிவு எண் இல்லாத புது டிராக்டரை, சேலத்தில் இருந்து விழுப்புரம், மாயனுாருக்கு கொண்டு செல்வதற்காக ஓட்டிச்சென்றார். நேற்று முன்தினம் இரவு, 10:00 மணிக்கு ஆத்துார் புறவழிச்சாலையில், அப்பமசமுத்திரம் மேம்பால பகுதியொட்டி சென்றபோது, சேலத்தில் இருந்து சென்னை நோக்கிச்சென்ற கார், டிராக்டர் பின்புறம் மோதியது. இதில் சாலையோர, 20 அடி பள்ளத்தில், டிராக்டர் கவிழ்ந்து, பிஜேந்திர்சிங் உயிரிழந்தார். காரில் வந்த, 2 பேர் காயம் அடைந்து, ஆத்துார் அரசு மருத்துவமனையில் அனுமதிக்கப்பட்டனர். ஆத்துார் ஊரக போலீசார் விசாரிக்கின்றனர்.