உள்ளூர் செய்திகள்

/ உள்ளூர் செய்திகள் / சேலம் / கள்ளச்சாராயம் விற்கும் வீடியோ: தி.மு.க.,வினர் சிக்கினர்

கள்ளச்சாராயம் விற்கும் வீடியோ: தி.மு.க.,வினர் சிக்கினர்

ஆத்துார்:சேலம் மாவட்டம் ஆத்துார் வளையமாதேவி பிரிவு சாலையில் டாஸ்மாக் கடையை திறக்கும் முன் நேற்று காலை 9:00 மணிக்கு அதன் எதிரே உள்ள இடத்தில் சாராயம் விற்பனை நடந்ததை பார்த்த இருவர் வீடியோ எடுத்தனர்.வீடியோவில் உள்ள கடையில் இருந்தவர்கள் 'தி.மு.க.,வை சேர்ந்த கல்லாநத்தம் ஜோதிவேல், பாலு தான் கடை வைத்துள்ளனர். போலீசாருக்கு 'மாமூல்' கொடுத்து தான் கடை நடத்துகிறோம். உங்களுக்கு தேவையானதை கொடுக்கிறோம்' என்றனர். இந்த வீடியோ பரவியது.கூடுதல் எஸ்.பி., பாலகுமார் தலைமையில் ஆத்துார் ஊரகம், மதுவிலக்கு போலீசார் விரைந்தனர். டாஸ்மாக் எதிரே கடை திறப்புக்கு முன் சாராயம் விற்பது தெரிந்தது. விற்பனையில் ஈடுபட்ட சக்திவேல் 50, சுரேஷ் 45, ஆகியோரை கைது செய்தனர்.கல்லாநத்தம் வைத்தியநாதபுரத்தை சேர்ந்த தி.மு.க., வர்த்தக அணி அமைப்பாளர் ஜோதிவேல் 45, தி.மு.க.,வை சேர்ந்த ஆத்துார் நகராட்சி, 18வது வார்டு கவுன்சிலர் கங்கையம்மாளின் கணவரும், வார்டு செயலருமான ரவி 48, ஆகியோரை ஆத்துார் ஊரக போலீசார் கைது செய்தனர். தலைமறைவான தி.மு.க., 26வது வார்டு செயலர் இளங்கோ மன்னனை தேடுகின்றனர்.


தினமலர் சேனல்களுக்கு SUBSCRIBE செய்யுங்கள் !

முக்கிய வீடியோ