தேசிய நெடுஞ்சாலையில் திரியும் மாடுகளால் விபத்து

சிங்கம்புணரி: சிங்கம்புணரியில் தேசிய நெடுஞ்சாலையில் திரியும் கோயில் மாடுகளால் தொடர் விபத்து நடக்கிறது.இங்குள்ள சேவுகப்பெருமாள் ஐயனார் கோயிலுக்கு பக்தர்களால் நேர்த்திக் கடனுக்காக விடப்பட்ட 50 ஆயிரத்திற்கும் மேற்பட்ட மாடுகள் சுற்றுவட்டாரங்களில் திரிகிறது. நகர் பகுதியில் மட்டும் ஆயிரத்துக்கும் மேற்பட்ட மாடுகள் உள்ளன. காரைக்குடி -- திண்டுக்கல் தேசிய நெடுஞ்சாலையில் வாகனப் போக்குவரத்து அதிகரித்து வரும் நிலையில் இம்மாடுகள் நடுரோட்டில் போக்குவரத்திற்கு இடையூறாக படுத்துக் கொள்கின்றன.மாலை 6:00 மணிக்கு மேல் வரும் வாகனங்கள் மாடுகள் இருப்பது தெரியாமல் மோதி விபத்துக்குள்ளாகின்றன.குறிப்பாக டூவீலரில் செல்பவர்கள் அடிக்கடி விபத்தில் சிக்குகின்றனர். மாடுகளை பிடித்து பட்டிகளில் அடைத்து பராமரிக்கவும், மாடுகளின் மீது ஒளிரும் பட்டைகளை அணிவிக்கவும் மாவட்ட நிர்வாகமும் சம்பந்தப்பட்டவர்களும் நடவடிக்கை எடுக்க வேண்டும்.