சிவகங்கை பஸ் ஸ்டாண்டில் ஆக்கிரமிப்பு  திறக்கப்படாத வணிக வளாகம்

சிவகங்கை: சிவகங்கை பஸ் ஸ்டாண்டில் பயணி களுக்கான இடங்களை ஆக்கிரமித்து கடைகள் வைத்தும் டூவீலர்களை நிறுத்தி பார்க்கிங் பகுதி யாக மாற்றப்பட்டுள்ளதால் பயணிகள் மழைக்கு ஒதுங்கி நிற்க கூட இடமில்லாமல் தவிக் கின்றனர். சிவகங்கை பஸ் ஸ்டாண்டில் இருந்து நாள் ஒன்றுக்கு 70க்கும் மேற்பட்ட பஸ்கள் இயக்கப்படுகின்றன. தினசரி 5 ஆயிரத்திற்கும் மேற்பட்ட பயணிகள் வந்து செல்கின்றனர். இந்த பஸ் ஸ்டாண்ட் காளையார்கோவில், தொண்டி, மானாமதுரை, மேலுார் பகுதிகளுக்கு செல்லும் பஸ்கள் ஒரு இடத்திலும் திருப்புத்துார், மதுரை உள்ளிட்ட பகுதி களுக்கு செல்லும் பஸ்கள் மற்றொரு பகுதி என இரண்டு இடங்களிலிருந்து இயக்கப்படுகிறது. காளையார்கோவில், தொண்டி பஸ்கள் நிற்கும் இடத்தில் பயணிகள் நிற்கும் பகுதி முழுவதும் நடை பாதையில் கடைகள் வைத்து ஆக் கிரமித்துள்ளனர். இந்த பகுதியில் உள்ள தாய்மார்கள் பாலுாட்டும் அறை முற்றிலும் சேதமடைந்துள்ளது. இருக்கைகள் முழுவதும் சேதமடைந்துள்ளதால் பயணிகள் பஸ்கள் நிற்கும் டிராக்கில் நிற்கும் நிலை உள்ளது. பஸ்கள் வரும்போது மாற்றுத்திறனாளி பயணிகள், முதியவர்கள் விபத்தில் சிக்கும் சூழல் உள்ளது. அதேபோல் திருப்புத்துார், மதுரை பஸ்கள் நிற்கும் இடம் தற்போது புதுப்பிக்கப்பட்டு திறக்கப்பட்டுள்ளது. இந்த பகுதியிலும் பயணிகள் நிற்கும் இடங்களில் கடைகளை வைத்து ஆக்கிரமித்துள்ளனர். திறக்கப்படாத வணிக வளாகம் 2023 மார்ச்சில் ரூ.1.95 கோடியில் மானாமதுரை, மேலுார் பஸ்கள் நிற்கும் பகுதிக்கு அருகில் விரிவாக்க பணி நடந்தது. நீண்ட இழுபறிக்கு பின் 18 கடைகள், தரைத் தளம், கழிப்பிடம் கட்டப்பட்டது. இந்த பகுதியை சிவகங்கை வந்த முதல்வர் ஸ்டாலின் திறந்து வைத்தார். திறந்து வைத்து பல மாதங்கள் கடந்தும் இன்னும் 18 கடைகளும் பயன்பாட்டிற்கு வராமல் உள்ளது. இந்த கடைகளை விரைவில் மக்கள் பயன்பாட்டிற்கு கொண்டு வந்து பஸ் ஸ்டாண்ட் உட்பகுதியில் இயங்கும் அனைத்து கடைகளையும் அகற்ற மாவட்ட கலெக்டர் நடவடிக்கை எடுக்க வேண்டுமென பயணிகள் எதிர்பார்க்கின்றனர். மேலும் புதியதாக சீரமைக்கப்பட்ட பகுதியில் மட்டும் கண்காணிப்பு கேமரா பொருத்தப்பட்டு உள்ளது. பஸ் ஸ்டாண்ட் முழுவதும் கண்காணிப்பு கேமரா பொருத்த நகராட்சி நிர்வாகம் நடவடிக்கை எடுப்பதோடு பயணி களுக்கு குடிநீர் வசதியையும் செய்து தரவேண்டும்.