அரியக்குடியில் வைகாசி விழா இன்று கொடியேற்றம்

காரைக்குடி: காரைக்குடி அருகேயுள்ள அரியக்குடி திருவேங்கடமுடையான் கோயில் வைகாசி திருவிழா இன்று கொடியேற்றத்துடன் தொடங்குகிறது. தென்திருப்பதி என்றழைக்கப்படும் அரியக்குடி திருவேங்கடமுடையான் கோயில் வைகாசி திருவிழா ஆண்டுதோறும் நடைபெறும். இவ்வாண்டு திருவிழா இன்று காலை 10:31 மணிக்கு மேல் மதியம் 12:00 மணிக்குள் கொடியேற்றத்துடன் தொடங்குகிறது. தினமும் சுவாமி சிம்ம, ஹனுமந்த, யானை உள்ளிட்ட வாகனங்களில் எழுந்தருளும் நிகழ்ச்சி நடைபெறுகிறது. ஜூன் 8 திருக்கல்யாணமும், தேரோட்டம் ஜூன் 11ம் தேதி மாலை நடைபெறுகிறது. ஜூன் 14 தெப்பமும், ஜூன் 15 புஷ்ப பல்லக்கும், விடையாற்றியும் நடைபெறுகிறது. ஏற்பாடுகளை பரம்பரை அறங்காவலர் முத்துமீனாட்சி, செயல் அலுவலர் விநாயகவேல் செய்து வருகின்றனர்.