பகிர்மான குழாய்கள் உடைந்து வீணாகும் குடிநீர்
கம்பம் : உத்தமபளையம் டாக்சி ஸ்டாண்டில் குடிநீர் பகிர்மான குழாய் உடைந்து ஒரு மாதமாக குடிநீர் சாக்கடையில் கலந்து வருகிறது.கம்பம் அருகே உள்ள பைத்தியகாரன் ஓடை, சேனை ஓடை, சின்னமனுார் பைபாஸ், கோம்பை ரோடு உள்ளிட்ட பல இடங்களில் குடிநீர் வீணாவது வாடிக்கையாக உள்ளது. இதுதவிர தோட்டங்களுக்கு தண்ணீர் பாய்ச்சுவது, ஓட்டல்களுக்கு கொண்டு செல்வது என பல இடங்களில் பைப் லைன்களை சேதப்படுத்தி குடிநீரை வீணாக்குகின்றனர்.தேனி மாவட்டம் முழுவதும் குடிநீர் வீணாவதை தடுக்க குடிநீர் வாரியமும், உள்ளாட்சி அமைப்புகளும் இணைந்து நடவடிக்கை எடுக்க வேண்டும்.