டூவீலர் பழுது  நீக்கும் பயிற்சிக்கு வரவேற்பு

தேனி: தேனி வடவீரநாயக்கன்பட்டி ரோடு, தொழிலாளர் நலவாரிய அலுவலகம் அருகில் கனரா வங்கி ஊரக சுயவேலை வாய்ப்பு பயிற்சி மையம் உள்ளது. இங்கு டூவீலர் பழுதுநீக்குதல் பயிற்சி மார்ச் 24 முதல் துவங்குகிறது. 18 வயது நிரம்பிய வேலை இல்லா கிராமப்புற ஆண்கள், பெண்கள் விண்ணப்பிக்கலாம். மதிய உணவு இலவசம். தினமும் காலை 9:30 முதல் மாலை 5:30 மணி வரை 30 நாட்கள் பயிற்சி நடக்கும். பயிற்சியில் தேர்ச்சி பெறுவோருக்கு சான்றிதழ், தொழில் துவங்க வங்கிக்கடன் ஆலோசனை வழங்கப்படும். பயிற்சியில் சேர விரும்புவோர் புகைப்படம், ஆதார் அட்டை நகல் ஆகியவற்றுடன் மார்ச் 24க்கு முன், நேரில் வந்து முன்பதிவு செய்து பயன் பெறலாம். கூடுதல் விபரங்களுக்கு 95003 14193 என்ற அலைபேசி எண்ணில் தொடர்பு கொள்ளலாம் என பயிற்சி மைய இயக்குனர் ரவிக்குமார் தெரிவித்துள்ளார்.