கும்பக்கரை அருவியில் குளிக்க அனுமதி
பெரியகுளம் :கும்பக்கரை அருவியில் தண்ணீர் வரத்து சீரானதால் நேற்று சுற்றுலா பயணிகள் குளிக்க அனுமதிக்கப்பட்டனர்.பெரியகுளம் அருகே 8 கி.மீ., தூரம் கும்பக்கரை அருவி உள்ளது. கொடைக்கானல் மலைப்பகுதி பாம்பாற்புரம், வட்டக்கானல், வெள்ளகெவி பகுதியில் பெய்யும் மழையால் அருவிக்கு தண்ணீர் வருகிறது. நேற்று முன்தினம் அருவியில் வெள்ளப் பெருக்கினால் சுற்றுலா பயணிகள் வெளியேற்றப்பட்டனர். குளிக்க தற்காலிக தடை விதிக்கப்பட்டது. இந்நிலையில் நேற்று அதிகாலையில் தண்ணீர் வரத்து சீரானது. இதனால் சுற்றுலா பயணிகள் குளிப்பதற்கு அனுமதிக்கப்பட்டது.