முன்னாள் விளையாட்டு வீரர்கள் ஓய்வூதியத்திற்கு விண்ணப்பிக்கலாம்

தேனி: விளையாட்டுத்துறையில் சர்வதேச, தேசிய அளவிலான போட்டிகளில் வெற்றி பெற்று தற்போது நலிந்த நிலையில் உள்ள தமிழகத்தை சேர்ந்த முன்னாள் சிறந்த விளையாட்டு வீரர்களுக்கு மாத ஓய்வூதியம் ரூ. 6 ஆயிரம் வழங்கப்படுகிறது. விண்ணப்பிப்பவர்கள் 58 வயதிற்கு மேல், மாத வருமானம் ரூ. 6 ஆயிரமாக இருக்க வேண்டும். முதியோர்களுக்கான விளையாட்டு போட்டிகளில் வெற்றி பெற்றவர்கள், மத்திய அரசின் விளையாட்டு வீரர்களுக்கான ஓய்வூதியம் , மாநில அரசின் ஓய்வூதியம் பெறுபவர்கள் விண்ணப்பிக்க முடியாது. தகுதி உள்ளவர்கள் www.sdat.tn.gov.inஎன்ற இணைய முகவரியில் ஜூலை 31 மாலை 6:00 மணிக்குள் விண்ணப்பிக்க வேண்டும் என கலெக்டர் ரஞ்ஜீத்சிங் தெரிவித்துள்ளார்.