பேரூராட்சி அலுவலக கட்டுமான பணி மந்தம்

திருமழிசை: திருமழிசையில் புதிய பேரூராட்சி அலுவலக கட்டுமான பணி மந்தகதியில் நடந்து வருகிறது. திருமழிசை பேருந்து நிலையம் அருகே, 1.24 கோடி ரூபாய் மதிப்பில் புதிய பேரூராட்சி அலுவலக கட்டுமான பணிக்கு, கடந்த ஜனவரி 26ம் தேதி அடிக்கல் நாட்டப்பட்டது. புதிய கட்டட பணியை ஆறு மாதத்திற்குள் முடிக்க திட்டமிட்டுள்ளதாக, பேரூராட்சி செயல் அலுவலர் தெரிவித்திருந்தார். ஆனால், பணிகள் துவக்கப்பட்டு 11 மாதங்களாகியும் நிறைவடையவில்லை. இது, அப்பகுதி மக்களிடையே கடும் அதிர்ச்சியை ஏற்படுத்தியுள்ளது. எனவே, சம்பந்தப்பட்ட அதிகாரிகள் ஆய்வு செய்து, பேரூராட்சி அலுவலக கட்டுமான பணிகளை விரைந்து முடிக்க நடவடிக்கை எடுக்க வேண்டுமென, அப்பகுதி மக்கள் கோரிக்கை விடுத்துள்ளனர்.