செய்தி எதிரொலி விளையாட்டு மைதானம் பழையனுாரில் சீரமைப்பு

திருவாலங்காடு:திருவாலங்காடு ஒன்றியத்துக்குட்பட்டது பழையனூர் ஊராட்சி. இங்கு, மணவூர் செல்லும் சாலையில், விளையாட்டு உபகரணங்களுடன் கூடிய விளையாட்டு மைதானம், 2019 ---- 20 ல் தேசிய ஊரக வேலை உறுதி திட்ட நிதி வாயிலாக 60 ஆயிரத்து 500 ரூபாய் மதிப்பில் அமைக்கப்பட்டது.இந்த விளையாட்டு மைதானத்தை இப்பகுதியைச் சேர்ந்த சிறுவர் - சிறுமியர் மற்றும் இளைஞர்கள் விளையாட பயன்படுத்தி வந்தனர். இந்நிலையில், ஓராண்டாக இந்த விளையாட்டு உபகரணங்கள் பயன்படுத்தாத நிலையில் துருப்பிடித்து உள்ளது. மேலும் மைதானத்தில் செடி முளைத்து புதராக காட்சியளிக்கிறது.இதுகுறித்து நம்நாளிதழில் செய்தி வெளியானது. இதையடுத்து புதராக காட்சியளித்த விளையாட்டு மைதானம் சீரமைக்கப்பட்டது.