இலவச பிளம்பிங் பயிற்சிக்கு அழைப்பு 

திருப்பூர்: திருப்பூர் கனரா வங்கி தொழிற் பயிற்சி மையம் சார்பில் நடத்தப்படும் இலவச பிளம்பிங் பயிற்சியில் சேர அழைப்பு விடுக்கப்பட்டுள்ளது. இது குறித்து பயிற்சி மைய இயக்குநர் சதீஸ்குமார் அறிக்கை: கனரா வங்கியின் இலவச தொழிற் பயிற்சி மையம் சார்பில் பிளம்பிங் மற்றும் பாத் பிட்டிங் குறித்த இலவச பயிற்சி வகுப்புகள் நடக்கவுள்ளது. முப்பது நாள் முழு நேரப் பயிற்சி அளிக்கப்படும். இதற்கான நேர்காணல் வரும் 28ம் தேதி பயிற்சி மைய வளாகத்தில் நடைபெறும். இதில் எழுதப்படிக்கத் தெரிந்த 18 முதல் 45 வயதுக்கு உட்பட் ஆண் பெண் இருபாலரும் சேரலாம். பயிற்சிக்கு எந்த கட்டணமும் இல்லை. முற்றிலும் இலவசம்.ஆண், பெண் இருபாலருக்கும் தனித்தனி தங்கும் விடுதி வசதி உள்ளது. பயிற்சியின் போது, காலை மற்றும் -மாலை தேநீர் மற்றும் உணவு இலவசமாக வழங்கப்படும். பயிற்சி முடிவில் மத்திய அரசின் அனுமதி பெற்ற சான்றிதழ் வழங்கப்படும். பயிற்சிக்கு பிறகு சுய தொழில் துவங்க வங்கி கடன் ஆலோசனைகள் வழங்கப்படும். பயிற்சியில் சேர, 'கனரா வங்கி ஊரக சுயவேலைவாய்ப்பு பயிற்சி நிலையம், வஞ்சியம்மன் கோவில் எதிரில், முதலிபாளையம் பிரிவு, காங்கயம் ரோடு, திருப்பூர் - 6'- என்றமுகவரிக்கு நேரில் வரவும். மேலும் விவரங்களுக்கு 94890 43923, 99525 18441 எண்களில் தொடர்பு கொள்ளலாம். இவ்வாறு அதில் தெரிவித்துள்ளார்.