குறுமைய விளையாட்டு போட்டி ஆக்ஸ்போர்டு பள்ளி வெற்றி

உடுமலை: உடுமலை குறுமைய போட்டிகளில் வெற்றி பெற்ற மாணவர்களுக்கு, கொங்கல்நகரம் ஆக்ஸ்போர்டு மெட்ரிக் பள்ளி நிர்வாகத்தினர் பாராட்டு தெரிவித்தனர். உடுமலை குறுமைய அளவில் பல்வேறு விளையாட்டு போட்டிகள் நடக்கிறது. இப்போட்டிகளில், உடுமலை சுற்றுப்பகுதி பள்ளி மாணவர்கள் பங்கேற்று வருகின்றனர். அதில் வாலிபால் போட்டியில், மாணவர்களுக்கான, 19 மற்றும் 17 வயதினருக்கான பிரிவில் முதலிடமும், 14 வயதினருக்கான பிரிவில் இரண்டாமிடமும் பெற்றுள்ளனர். 19 வயதினருக்கான த்ரோபால் போட்டியிலும், மாணவர்கள் முதலிடம் பெற்றுள்ளனர். த்ரோபால் 19 மற்றும் 14 வயது மாணவியருக்கான பிரிவில் இரண்டாமிடம் பெற்றனர். பூப்பந்து போட்டி மாணவர்களுக்கான 19 வயதினருக்கான பிரிவில் இரண்டாமிடம், 14 வயதினருக்கான பிரிவில் முதலிடம், மாணவியருக்கான 19 வயதினருக்கான பிரிவில் இரண்டாமிடமும் பெற்றுள்ளனர். போட்டிகளில் வெற்றி பெற்ற மாணவர்களுக்கு பள்ளி முதல்வர் சாரதாமணி, தாளாளர் சின்னராஜூ, ஆசிரியர்கள், உடற்கல்வி ஆசிரியர்கள் பாராட்டு தெரிவித்தனர்.