ஸ்ரீ வெற்றி விநாயகர் கோவில் கும்பாபிஷேக விழா

அவிநாசி: அவிநாசி, பாரதிதாசன் வீதியில் எழுந்தருளியுள்ள ஸ்ரீ வெற்றி விநாயகர் கோவிலில் நேற்று கும்பாபிேஷகம் நடந்தது. முன்னதாக அவிநாசி லிங்கேஸ்வரர் கோவிலில் இருந்து தீர்த்த குடம், முளைப்பாரி எடுத்து 50க்கும் மேற்பட்ட பெண்கள் ஊர்வலமாக கோவிலுக்கு வந்தனர். நேற்று இரண்டாம் கால வேள்வி பூஜையில் திருப்பள்ளியெழுச்சி, மூல மூர்த்திகளுக்கு காப்பணிவித்தல், திருமுறை விண்ணப்பம், திருக்குடங்கள் புறப்பட்டு மூலவர் விமான கலசத்திற்கு கும்பாபிஷேகம் நடைபெற்றது. தொடர்ந்து, மூல மூர்த்திகளுக்கு கும்பாபிஷேகம் நடைபெற்றது. சிறப்பு அபிஷேகம், அலங்காரம் மற்றும் மகா தீபாராதனை நடைபெற்றது. விழாவை முன்னிட்டு, ஸ்ரீ வெற்றி விநாயகர் அறக்கட்டளையினர் சார்பில் பக்தர்களுக்கு அன்னதானம் வழங்கப்பட்டது.