திருவெம்பாவை உற்சவம் நிறைவு நாளை ஆருத்ரா தரிசன விழா

திருப்பூர்: திருவெம்பாவை உற்சவத்தை முன்னிட்டு, கடந்த 4ம் தேதி முதல், தினமும் மாலை, 6:30 மணிக்கு, சிறப்பு பூஜைகள் நடந்தது. மாணிக்கவாசகர் பாடிய திருவெம்பாவை பதிகங்களை, ஓதுவார் மூர்த்திகள் பாடினர். சிவாச்சாரியார்கள் நடராஜர் மற்றும் சிவகாமியம்மனுக்கு சிறப்பு அலங்கார பூஜைகள் செய்து, திருவெம்பாவை பதிகங்களை பாடி விண்ணப்பித்தனர். நேற்றுடன், மாணிக்கவாசகர் திருவெம்பாவை உற்சவம் நிறைவு பெற்றது.இன்று மாலை, 6:30 மணிக்கு, திருக்கல்யாண உற்சவம், நாளை அதிகாலை, 3:00 மணிக்கு, நடராஜர் - சிவகாமியம்மனுக்கு மஹா அபிேஷகமும், காலை, 6:00 மணிக்கு ஆருத்ரா தரிசனமும் நடைபெறுகிறது.ஸ்ரீசிவகாமியம்மன் மற்றும் நடராஜ பெருமான், தனித்தனி சப்பரங்களில் எழுந்தருளி, கோவில் முன்பாக உள்ள, பட்டிவிநாயகரை, 11 முறை வலம் வரும் நிகழ்ச்சி காலை, 10:00 மணிக்கு நடக்க உள்ளது. தொடர்ந்து, திருவீதியுலா நடைபெறும்.விழா ஏற்பாடுகளை, கோவில் நிர்வாகமும், அறங்காவலர் குழுவினரும் செய்து வருகின்றனர். திருப்பூர் பிரதோஷ வழிபாட்டு குழு சார்பில், ஆருத்ரா தரிசனத்தன்று, பக்தர்களுக்கு மஞ்சள் சரடு, குங்குமம் உள்ளிட்ட பிரசாத பொருட்கள் வழங்க ஏற்பாடு செய்யப்பட்டுள்ளது.