மழைநீரில் விழுந்த மாணவர் பலி
செங்கம்:திருவண்ணாமலை மாவட்டம், செங்கம் அடுத்த ஆண்டிப்பட்டியைச் சேர்ந்த விவசாயி விஜி மகன் பார்த்திபன், 9; அரசு பள்ளியில் நான்காம் வகுப்பு படித்தார். அதே பகுதியில் குணசீலன் என்பவர் வீடு கட்டி வருகிறார். இதற்காக சில நாட்களுக்கு முன், பில்லர் அமைக்க, 3 அடி ஆழம் குழி தோண்டினார்.தற்போது, மழையால் பணி நடக்கவில்லை. குழியில் மழை நீர் தேங்கியது. மாணவன் பார்த்திபன் நேற்று மாலை பள்ளி முடிந்து வீடு திரும்பிய போது, குணசீலன் வீடு கட்ட தோண்டிய குழியில் தவறி விழுந்ததில் நீரில் மூழ்கி பலியானார்.