குடிக்க பணம் தர மறுத்தவரை தாக்கிய 4 பேர் கைது

திண்டிவனம் : திண்டிவனத்தில் குடிக்க பணம் தர மறுத்த நபரை தாக்கி மிரட்டிய வழக்கில் 4 பேரை போலீசார் கைது செய்தனர்.திண்டிவனம் அருகே முட்டியூர் கிராமத்தை சேர்ந்தவர் அரிகிருஷ்ணன் மகன் அன்பரசன், 35; இவர், திண்டிவனம் டாஸ்மாக் கடையில் நேற்று மதுபானம் வாங்கி கொண்டு சென்றார். அப்போது, டாஸ்மாக் கடை அருகே நின்றிருந்த கிடங்கல் 2 பகுதியை சேர்ந்த மூங்கிலன் மகன் ஆகாஷ், 23; துரை மகன் திலீப், 22; உமாபதி மகன்கள் ராஜேஷ், 22; விக்னேஷ், 24; ஆகியோர் அன்பரசனிடம் குடிக்க பணம் கேட்டனர்.அன்பரசன் தர மறுத்ததால், நால்வரும் சேர்ந்து அவரை திட்டி, தாக்கி மொபைல் போனை பிடுங்கியதோடு, கொலை மிரட்டல் விடுத்தனர். அன்பரசன் அளித்த புகாரின் பேரில், திண்டிவனம் போலீசார் நால்வர் மீதும் வழக்குப் பதிந்து கைது செய்தனர்.