விழுப்புரத்தில் இன்று தி.மு.க., ஆலோசனை

விழுப்புரம்: விழுப்புரம் தெற்கு மாவட்ட தி.மு.க., சார்பில் இன்று இளைஞரணி, மாணவரணி, தகவல் தொழில்நுட்ப அணி அமைப்பாளர்கள் ஆலோசனைக் கூட்டம் நடக்கிறது. மாவட்ட பொறுப்பாளர் கவுதமசிகாமணி அறிக்கை: விழுப்புரம் தெற்கு மாவட்ட, ஒன்றிய, நகர, பேரூராட்சி இளைஞரணி, மாணவரணி, தகவல் தொழில்நுட்ப அணி அமைப்பாளர், துணை அமைப்பாளர்கள் ஆலோசனைக் கூட்டம் இன்று 19ம் தேதி காலை 10:00 மணிக்கு விழுப்புரம் கலைஞர் அறிவாலயத்தில் நடக்கிறது. கூட்டத்தில், வரும் 27ம் தேதி துணை முதல்வர் உதயநிதி 48வது பிறந்த நாளை சிறப்பாக கொண்டாடுவது குறித்து ஆலோசிக்கப்பட உள்ளது. அன்னியூர் சிவா எம்.எல்.ஏ., மாவட்ட சேர்மன் ஜெயச்சந்திரன், தலைமைக் கழக வழக்கறிஞர் சுரேஷ், மாநில மகளிரணி பிரசாரகுழு செயலாளர் தேன்மொழி, துணைச் செயலாளர்கள் முருகன், கற்பகம் முன்னிலை வகிக்கின்றனர். கூட்டத்தில், மாநில, மாவட்ட நிர்வாகிகள், ஒன்றிய, நகர, பேரூர் செயலாளர்கள், தலைமை செயற்குழு, பொதுக்குழு உறுப்பினர்கள் உட்பட அனைத்து நிர்வாகிகளும் தவறாமல் பங்கேற்க வேண்டும். இவ்வாறு அறிக்கையில் கூறப்பட்டுள்ளது.