கோட்ட அளவில் மின்நுகர்வோர் மாதாந்திர குறைகேட்பு கூட்டம்

விழுப்புரம்: மாவட்டத்தில் கோட்ட அளவிலான மின் நுகர்வோர் குறைகேட்பு கூட்டம் நடக்கிறது. விழுப்புரம் மின் பகிர்மான வட்ட மேற்பார்வை பொறியாளர் நாகராஜ்குமார் செய்திக்குறிப்பு: விழுப்புரம் மின் பகிர்மான வட்ட மேற்பார்வை பொறியாளர் தலைமையில் டிசம்பர் மாதத்திற்கான கோட்ட அளவிலான மின் நுகர்வோர் குறைகேட்பு கூட்டம் செவ்வாய் மற்றும் வியாழக்கிழமைகளில் காலை 11:00 மணியளவில் அந்தந்த செயற்பொறியாளர் அலுவலகங்களில் நடக்கிறது. வரும் 2ம் தேதி விழுப்புரம், 9ம் தேதி கண்டமங்கலம், 16ம் தேதி செஞ்சி, 23ம் தேதி காலை 11:00 மணிக்கு திண்டிவனம், அன்று மாலை 3:00 மணிக்கு திருவெண்ணெய்நல்லுார் செயற்பொறியாளர் அலுவலகத்திலும் கூட்டம் நடக்கிறது. இதில், மின் நுகர்வோர் மற்றும் பொதுமக்கள் கலந்து கொண்டு தங்கள் குறைகளை மேற்பார்வை பொறியாளரிடம் தெரிவித்து பயன்பெறலாம். இவ்வாறு அதில் கூறப்பட்டுள்ளது.