மேலும் செய்திகள்
அரசு பள்ளி மாணவர்களுக்கு இலவச சைக்கிள் வழங்கல்
28-Aug-2024
அரசு பள்ளி மாணவர்களுக்கு இலவச சைக்கிள் வழங்கல்
விக்கிரவாண்டி : விக்கிரவாண்டி அருகே அரசு பள்ளி மாணவர்களுக்கு இலவச சைக்கிள் வழங்கும் விழா நடந்தது.விக்கிரவாண்டி அடுத்த விராட்டிக்குப்பம் அரசு மேல்நிலைப் பள்ளியில் நடந்த நிகழ்ச்சிக்கு, கோலியனுார் ஒன்றிய சேர்மன் சச்சிதானந்தம் தலைமை தாங்கினார். பெற்றோர் ஆசிரியர் கழக தலைவர் அசோக் சதாசிவம், ஒன்றிய செயலாளர் மும்மூர்த்தி முன்னிலை வகித்தனர். தலைமை ஆசிரியை மல்லிகா பிரபா வரவேற்றார்.நிகழ்ச்சியில், அன்னியூர் சிவா எம்.எல்.ஏ., 92 மாணவ, மாணவிகளுக்கு இலவச சைக்கிள்களை வழங்கி பேசினார். கல்விக்குழு தயாநிதி, கலையரசன், கோபு, பட்டு, தண்டபாணி, வழக்கறிஞர் சதீஷ், ஆசிரியர்கள், மாணவர்கள் பங்கேற்றனர்.