ரூ. 1.2 கோடி வளர்ச்சி திட்ட பணிகள் ஒன்றிய குழு கூட்டத்தில் தீர்மானம்

விக்கிரவாண்டி : விக்கிரவாண்டி ஒன்றியத்தில் ரூ. 1.20 கோடி மதிப்பில் வளர்ச்சி திட்ட பணிகள் செய்ய ஒன்றிய குழுவில் தீர்மானம் நிறைவேற்றப்பட்டது. விக்கிரவாண்டி ஒன்றிய அலுவலகத்தில் நடந்த கூட்டத்திற்கு, ஒன்றிய சேர்மன் சங்கீதஅரசி ரவிதுரை தலைமை தாங்கினார். ஒன்றிய துணை சேர்மன் ஜீவிதா ரவி, பி.டி.ஓ., க்கள்., சையது முகமது, நாராயணன் முன்னிலை வகித்தனர். மேலாளர் டேவிட் குணசீலன் வரவேற்று தீர்மானங்களை படித்தார்.கூட்டத்தில் விக்கிரவாண்டி ஒன்றியத்தில் 1 கோடியே 20 லட்சம் ரூபாய் மதிப்பில் வளர்ச்சி திட்ட பணிகள் செய்வது உள்ளிட்ட பல்வேறு தீர்மானங்கள் நிறைவேற்றப்பட்டது. ஒன்றிய பொறியாளர்கள் முருகன், குமரன், ஒன்றிய கவுன்சிலர்கள் உட்பட அலுவலர்கள் பலர் கலந்து கொண்டனர்.